My daily routine

 

Let's practice talking about our daily routine.

Dialog 1
 

Asugom ajiet menja'si.

I get up at 6 o'clock.

 
 

Mi'jano'guomg eliei aq gesispa'lsi.

I go to the bathroom, clean up and shower.

 
 

Gisapalsi na gegna'si.

I dress after a shower.

 
 

Egsitpu'geweim elugwatm.

I prepare my breakfast.

 
 

Ilaji ugjit natlugwen.

I get ready for work.

 
 

Ntlugowaqang pegisin ugmuljin te'sajiet jel a'qataig.

I arrive at my work at 8:30.

 
 

Nujo'tm na tlisutiei goqwei Listugujg.

I work with the language in Listuguj.

 
 

Angaptnann email'l petgitmuimgl, aq alt asitemgig.

I go through my emails and I answer some of them.

 
 

Siawa'tu ta'n goqwei ulagu wesgo'tmap.

I continue the work I had from yesterday.

 
 

Jijuaqa na na'tuen petgitmuitew natgoqwei ta'n pewatg 'ns'tmasewugsin gisna natgoqwei tli'sutiei ugjit 'sgu'ligtug.

Sometimes someone will send things for me to translate or language help for the school.

 
 

Mewlia'gwej na enmiei aq atatal aq apaja'si newt ajiet.

At noon I go home and eat and come back at 1 pm.

 
 

Gismewlia'gej ap na siawlugwatesg ta'n goqwei wesgo'tmap egsitpu'gweg aq enmiei 4:30.

After noon I'll continue what I had been working on that morning and go home at 4:30.

 
 

Wela'gweweim elugwatm.

I prepare my supper.

 
 

Gisiuloqotal na 'nti tewa'tieg aq potl'legaieg.

After supper I go for a walk with my dog.

 
 

Apaja'tieg na engopa'si aq angaptm tv.

When we get back I sit and watch some tv.

 
 

Glapis na newtisga'q ajiet na tujiw ilaji ugjit Najinpan.

At about 10 pm I get ready and go to bed.

 
 

Na ntna'gwegm na.

That is my day.

 
 

Ula ni'n 'ntna'gwegm.

Here is my day.

 
 

Ntna'gwegm pojiaq asugom ajiet egsitpu'gl, Amgwes ellugutim glapis Weltamultimg.

My day begins at 6 am mornings, Monday to Friday.

 
 

Ugmuljig te'sajiet jel a'qataig poqtluwei aq punlugwei ne'w ajiet jel a'qataig te'sigisg'g.

I begin work at 8:30 and get off at 4:30 daily.

 
 

Amgwesewei na ilajugtaqig nujigina'maqig.

I prepare to greet my students.

 
 

Egina'maqig na 'ns'tmnew ta'n goqwei egitmi'tij aq ewi'gmi'tij Aqalasie'wigtug.

I tutor my students to comprehend what they read and write in English.

 
 

Mewlia'gwej na emiei aq atatal, gisgug telatal lasup aq pipnaqanji'j amjaqas'g.

At noon I go home and eat lunch. Today I had a bowl of soup and a sandwich.

 
 

Toqo ge'sgmnaq apaja'siw 'ntlugowaqneg na ijga' nigtigte'gei.

Before I went back to work I did my dishes and tidied up.

 
 

Apaja'sianeg 'ntlugowaqng na siawgina'maqapnig ta'nig etlgina'maqaig glapis 4:30.

After lunch I return to my students and continue where we left off until 4:30.

 
 

Ginite'tm na ta'n teliuluguti'tij na etlgina'maqig 'nstmnew Aqalasie'wei tli'suti.

I'm proud of the progress my students are making in understanding the English.